الشيخ السلفي حسن الكتاني، مقلق بزاف على الكوميدي حسن الفذ والسلسلة الرمضانية الجديدة ديالو "كبور ولحبيب"، اللي وصفها ب"السخيفة" و"اللي معندهاش معنى"..
الشيخ السلفي، اللي دوز الحبس على ود أحداث 16 ماي الارهابية قبل ما يستافد من العفو، كتب فالفايسبوك ديالو بأن سلسلة "كبور ولحبيب" بالغت فالاستهانة بأنساب الناس وأنه كيرفض باش تستعمل فيها أسماء..
تقليقة الشيخ الكتاني سبابها أن حسن الفذ استعمل اسم "لبنى الكتاني" فالسلسلة، وهادشي معجبش الشيخ اللي عندو نفس الكنية، وعليها كتب أنه كيستنكر أشد الاستنكار استخدام اسم عائلتو اللي معروفة، كيفما قال، بالعلم والدين ونصرة قضايا الأمة في "مسلسل سخيف ومعندوش معنى"..
مكاين باس الشيخ راه حتى نتوما كتستعملو سمية الفذ ملي كتقولو "علماءنا الأفذاذ"..
Title :
الشيخ الكتاني كاعي على حسن الفذ
Description : الشيخ السلفي حسن الكتاني، مقلق بزاف على الكوميدي حسن الفذ والسلسلة الرمضانية الجديدة ديالو "كبور ولحبيب"، اللي وصفها ب"السخيف...
Rating :
5